BBC News, ትግርኛ - መእተዊ ገጽ

ምጕዓዝ፡ ምዝራብን ምብላዕን ከይተረፈ ዝኸልእ ሕማም እንታይ እዩ?

እዚ ኵነታት መብዛሕትኡ ግዜ ብጌጋ ሕማም ፓርኪንሰን ወይ ሃንቲንግተን ተባሂሉ እዩ ዝፍለጥ ነይሩ። ተመራመርቲ ስነ-ፍልጠት ግን፡ ብሓቂ ሓድሽ ኵነታት ምዃኑ ኣረጋጊጾም’ዮም። ኣብ ሓንጎል ብዝፍጠር ምትእኽኻብ ሓጺን ስለ ዝመጽእ ድማ ኒውሮፈሪቲኖፓቲ ኢሎም ሰመይዎ።

ቓዛ፡ ባይደን ተወሳኺ ኣጽዋር ምልኣኽ ደው ከብል የጠንቅቕ፡ ስቓይ ነበርቲ ግን ይገድድ

ብኻልእ ወገን እስራኤል፡ ኣብ ልዕሊ ሓማስ ወተሃደራዊ ስጕምቲ ካብ እትጅምር ኣማኢት ትካላት ማይን መጻረይን ቓዛ ከምዝዓነዉ ብቢቢሲ ቨሪፋይ ዝተገብረ ትንተና ሳተላይት ኣረጋጊጹ።

ኣብ ኢትዮጵያ ልዕሊ ሓደ ሚልዮን ነበርቲ ብውሕጅ ክመዛበሉ ምዃኖም ተሰጊኡ፡ ኣብ ኤርትራኸ?

ኢትዮጵያ፡ ግዝረት ደቂ ኣንስትዮ ዝምልከት ውሳነ ዑለማ ስለምንታይ ኣካታዒ ኰይኑ?

ላዕለዋይ ቤት ምኽሪ እስላማዊ ጉዳያት ኢትዮጵያ፡ ን2ይ ዓመታዊ ሓፈሻዊ ጉባኤ ኣመልኪቱ ዘውጽኦ መግለጺ፡ ኣብዚ ቀረባ እዋን ኣብ ማሕበራዊ መራኸቢታት መዘራረቢ ኰይኑ ጸኒሑ’ዩ። ትሕዝቶኡን ዝለዓል ዘሎ ነጥቢታትን ስክፍታን ከኣ እዚ ጽሑፍ ዳህሲስዎ'ሎ፤

ኣመሪካ፡ ንእስራኤል ኣጽዋር ምልኣኽ ደው ኣቢላ

ኣመሪካ: ኣብ ዝሓለፈ ሰሙን እስራኤል ኣብ ደቡባዊ ቓዛ ኣብ ዝርከብ ራፋሕ ዝጀመረቶ ዓቢ ናይ ምድራዊ ስርሒት ስክፍታ ስለዝፈጠረላ፡ ኣጽዋር ምልኣኽ ደው ከምዘበለት ሓደ ላዕለዋይ በዓል ስልጣን ምምሕዳር እታ ሃገር ገሊጹ።

ኤርትራ፡ ስሙያት ተወዳደርቲ ብሽክለታ እናፍረየት ስለምንታይ ስሙይ ውድድር ከተካይድ ዘይትኽእል?

ኣብ ውሽጢ ኤርትራ ሓያልን ስሩዕን ውድድራት ዘይምህላዉን፡ ኣብ ኵለን ዞባታታት ካብ ውድደር ማውንተይን ባይክ ዝጅምር ውድድር ዘይምህላዉ’ዩ ንቍጽሪ ፕሮፈሽናላት ተወዳደርቲ ከምቲ ዝድለ ክብ ንኸይብል ዓንቃጺ ኰይኑ ሒዝዎ ከምዘሎ'ውን ይፍለጥ።

ኤርትራ፡ ተኽእሎታት ወፍርን ግብራውነቱን ከመይ እዩ?

ፕረዚደንት ኢሳይያስ ድሕሪ ዋዕላ ኢጣልያ-ኣፍሪቃ ምስ ቀዳመይቲ ሚኒስተር እታ ሃገርን ሓያሎ ሰበ ስልጣን መንግስትን ተራኺቡ፡ ኣብ ኤርትራ፡ ኣብ ትሕተ ቅርጺ፡ መንገዲ ባቡር፡ ወደባት፡ ጸዓት፡ ሕርሻን ምግፋፍ ዓሳን ሰፊሕ ዕድላት ወፍሪ ከምዘሎ ኣብሪሁ እዩ። እዚ ዕድላት ግብራዊ ክኸውን ዘሎ ተኽእሎን ብድሆታቱን ኣብ ዝምልከት እምበኣር፡ ቢቢሲ እምበኣር ንክኢላታት ዓውደ ቍጠባን ወፍርን ኣዘራሪቡ ነቲ ዛዕባ ዳህሲሱዎ ኣሎ።

ዲፕሎማሲ፡ ዝምድና ኤርትራን ኢጣልያን ካበይ ናበይ?

ኣብ እዋን ድሕረ-መግዛእቲ፡ ከም ፈረንሳን እንግሊዝን ዝኣመሰላ ገዛእቲ ዝነበራ ሃገራት፡ ንናይ ቀደም ግዝኣታተን ብዝተፈላለየ መዳያት ብምሕጋዝን፡ ከይተባተኻ ፍሉይ ዝምድና ከማዕብላ ይረኣያ። ኤርትራን ኢጣልያን ግን እንታይ እዩ ታሪኸን? ኣብ ድሕረ-ናጽነት ኤርትራ ብፍላይ ከመይ እናበለ ክመጽእ ጸኒሑ? ነዚ ሕቶ እዚ ንምምላስ፡ ቢቢሲ ትግርኛ፡ ንኤርትራውያን ምሁራት ኣዘራሪቡ ዳህሲስዎ ኣሎ፤

ከነኣን፡ ኣብ ምብራቕ ኣፍሪቃ ዝተሰረተ ካብ ዓበይቲ ትካላት ኤርትራውያን

ብዙሓት ኤርትራውያን ካብ ሃገሮም ወጺኦም ኣብ ሃገረ ስደቶም ኣብ ዝተፈላለየ ጽላት ርእሰ ማሎም፡ ፍልጠቶምን ክእልታቶምን ኣውፊሮም ኣብ ዝምስርትዎ ዕዉት ትካላት ንነብሶምን ካልኦትን ዕድል ስራሕ ይፈጥሩ ኣለው። ኣብ 2007፡ ብኢንጂነር በረኸት ጐይትኦምን ኢንጂነር ብእምነት ለኣከን፡ ኣብ ደቡብ ሱዳን ዝተመሰረተ፡ ኣብ ዝተፈለላያ ሃገራት ጨናፍር ኣስፊሑ ዝነጥፍ ዘሎ “ከነኣን” እተሰምየ ትካል ሓደ ካብ ግሉሓት ኣብነታት ኤርትራውያን ኣውፈርቲ’ዩ።

ቅልውላው ቀርኒ ኣፍሪቃ፡ ዝምድና ሃገራት እንታይ ይመስል?

ቀርኒ ኣፍሪቃ ኣብ ዓለም ካብ ዘለዉ ዞባታት ብግጭት፡ ምትእትታው ሓያላን ሃገራትን ግህሰት ሰብኣዊ መሰላትን እዩ ዝፍለጥ። ቀርኒ ኣፍሪቃ ኣማኢት ኣሽሓት ዝሞቱሉ ኲናት ዘአንግድ እዚ ወጥሪ ዘይጠፍኣሉ ምኽንያት ሓደ ብሰንኪ ውሽጣዊ ጉዳያት እተን ሃገራት እዩ። ኣብ መንጐ እተን ሃገራት ዘሎ ፖለቲካውን ዲፕሎማስያውን ምትፍናን’ውን ጽልዋ ኣለዎ።

ቤተ-ክርስትያን ኢትዮጵያን ኤርትራን፡ ብኸመይ ኣብ ቀጽሪ ቫቲካን ልዕሊ 500 ዓመት ዝገበረ ንብረት ኣጥርያ?

ኣብ መበል 15 ክ/ዘመን ኣብሲናውያን ክርስትያናት ካብ ሃገሮም ተበጊሶም በረኻታት ሱዳንን ኣጻምእ ግብጽን ሰጊሮም ኣብ ግብጺ እስክንድርያ ኣብ ዝርከብ መንበረ ማርቆስ ይሳለሙ ነይሮም።ቀጺሎም፡ በረኻታት ሲናይ ሰጊሮም ን"ቅድስቲ ሃገር" ንእየሩሳሌም ይሳለሙ ነይሮም።ጕዕዞኦም ብእኡ ደው ኣይበለን ። ናይ ቅዱስ ጳውሎስን ጴጥሮስን መካነ-መቓብር ንክሳለሙ ናብ ሮማ ይጐዓዙ ነይሮም።

ናብ ፕሪምየርሊግ ክምለሳ ዝተበየነለን ጋንታታት ትግራይ ኣብ ምንታይ ኩነታት ይርከባ?

ቅድሚ ኣርባዕተ ዓመታት ኣብ ፕሪምየርሊግ ኢትዮጵያ ዝሳተፋ ዝነበራ ጋንታት ኩዕሶ እግሪ ትግራይ፡ መቐለ 70 እንደርታ፣ ወልዋሎ ዩኒቨርሲቲ ዓድግራትን ሱሑል ሸረን ኮይነን ብድሕሪ ስምምዕ ሰላም ናብ ዝነብርኦ ሊግ ንኽምለሳ ሓቲተን ነይረን። እንተኾነ እቲ 16 ጋንታት ዝሳተፋሉ ፕሪምየርሊግ ብኻልኦት በቲ ኲናት ዘይተጸለዋ ጋንታት ቀጺሉ ስለዝነበረ እተን ናይ ትግራይ ጋንታት ዝምለሳሉ ዕድል ኣይረኸባን ጸኒሐን።

እስራኤል ብቕትለት ህጻናት ብገበን ኲናት ትኽሰስ

ኣብ ምዕራባዊ ገማግም ባሕሪ እትርከብ ከተማ ጀኒን ዘይከም ቃዛ ብሓማስ ኣይትመሓደርን እያ። ሰራዊት እስራኤል ናብቲ ከባቢ እንተመጽዮም ከኣ፡ ድኳናት ብቕልጡፍ እዮም ዝዕጸዉ።

ተመራመርቲ ‘ጥዕና ዝህብ ጻዕዳ ባኒ’ ንሰርሕ ኣለና ኢሎም

እቶም ተመራመርቲ ነቲ ባኒ ከዳልዉ ከለዉ ውሑድ መጠን ዓተር፣ ባሎንጓን ጥረታትን ከምኡ’ውን ካብ ጻዕዳ ሓርጭ ዝእለዩ ገፈልን ቡቋልን ስርናይ ክውስኹሉ መደብ ኣለዎም።

ኣዛዚ ኣፍሪኮም 'ቀንዲ ስግኣት ኣፍሪቃ' ዝበሎም ዘርዚሩ፤ እንታይ እዮም?

ኣብ ቃለመጠይቝ፡ ሓላፊ ወተሃደራዊ እዚ ኣፍሪቃ-ኣመሪካ ጀነራል ማይክል ላንግሊ፡ ሕሉፋት ጕጅለታት፡ ጸጥታ ኣፍሪቃ ኣብ ምዝራግ ቀንዲ ስግኣት ኰይኖም ይቕጽሉ ከምዘለዉ ገሊጹ።

ብሰንኪ ጾታዊ ዓመጽ ኣዋጅ ህጹጽ ግዜ ዝኣወጀት ሃገር

ሬንቦው ኤኒሼቲው ዝተባህለ ምስ ግዳያት ጾታዊ ዓመጽ ዝሰርሕ ትካል፡ ብ2022 ካብ ሞንጐ ዝመጽኡ 2705 ጉዳያት እቶም ሓሙሸተ ሚኢታዊት ጥራይ’ዮም ናብ ቤት ፍርዲ ቀሪቦም ይብል።

ናብ ሩዋንዳ ንዝግዕዙ ስደተኛታት ግፋ ክጅመር እዩ ተባሂሉ

ናብ ሩዋንዳ ዝግበሩ ቀዳሞት በረራታት ንምድላው ኣብ ውሽጢ ሰሙናት ስደተኛታት ገፊፍካ ኣብ ቀይዲ ምእታው ክጅመር ምዃኑ ቤት ጽሕፈት ውሽጣዊ ጉዳያት ወጻኢ ኣፍሊጡ። እዚ ዝተበሃለ፡ ዘ ጋርድያን፡ ስደተኛታት ካብ ሎሚ ሰኑይ ጀሚሩ ናብ መጽንሒ ማእከላት ክሰጋገሩ ከምዝጅምሩ ድሕሪ ምግላጹ እዩ።

ኣመሪካ 'ቀይሕ መስመር' ከይትሰግር ቻይና ኣጠንቂቓ

ቻይና ንሩስያ ኣጽዋር ከይትህባ ንፕረዚደንት ሺ ዢንፒንግ ከምዝተማሕጸኖ'ውን እቲ ጸሓፊ ጉዳያት ወጻኢ ሓቢሩ። ንሩስያ ትህቦ ወተሃደራዊ ኣጽዋር ደው እንተዘየቢላ ግን ኣመሪካ ስጉምቲ ክትወስድ ምዃና ብሊንከን ኣጠንቂቑ'ሎ። እንታይ ዓይነት ስጉምቲ ከምዝኸውን ግን ኣየነጸረን።

ቪድዮ, ኣማኢት ኣሽሓት ዘህድም ዘሎ ሓደጋ ውሕጅ ኣብ ምብራቕ ኣፍሪቃዕምሪ ፈነወ, 2,23

'ሰባት እዮም ኣታሊሎምኒ' ልዕሊ 6 ሚልዮን ዶላር ብምትላል ዝተኸሰሱ ቀሲስ በላይ

ቅድም ክብል ሃገረ ስብከት ኦሮሚያ ንምቛም ብዝገበርዎ ምንቅስቓስ ዝፍለጡ ምክትል ዋና ኣካያዲ ስራሕ ሃገረ ስብከት ኦርቶዶክሳዊት ቤተ ክርስቲያን ኢትዮጵያ ሊቀ ኣእላፍ ቀሲስ በላይ፡ ብረቡዕ ናብ ቤት ፍርዲ ቀሪቦም ነይሮም።